Dewiswyd fi ynghyd ag wyth o artistiaid eraill i ddarlunio logo i’w ddefnyddio ar bosteri mewn lleoliad yng nghanol y ddinas, mewn asedau digidol ac mewn animeiddiad. Roedd fy mhrosiect darlunio yn canolbwyntio ar ddyluniad a oedd yn ailddychmygu’r logo mewn ffordd greadigol, gan adlewyrchu gwerthoedd craidd, sef cysylltu artistiaid a hyrwyddo cydweithio cymunedol. Mae llawer o’r lleoliadau sydd i’w gweld yn y gwaith celf yn llefydd ble rydw i wedi cwrdd ag artistiaid yn bersonol neu wedi mynychu digwyddiadau ble cefais ysbrydoliaeth, a gwnaeth hynny’r broses yn fwy ystyrlon byth. Roedd yn gyffrous gweld rhai artistiaid yn adnabod eu hunain yn nyluniad y logo a’r poster. Mae’r gwaith celf yn cydblethu darluniau mewn arddull braslun o amrywiaeth o bobl greadigol gyda rhai o dirnodau adnabyddus Caerdydd. Mae’r ffigurau a’r lleoliadau hyn yn asio yn ffurf haniaethol, sy’n symbol o egni deinamig celf a chymuned. Mae’r darn olaf yn crisialu ysbryd cydweithio yn hyfryd ac yn dathlu’r creadigrwydd unigryw sy’n ffynnu yng nghymuned Caerdydd o artistiaid.